​ Оскар сыйлығын тапсыру рәсімі YouTube​ арқылы көрсетіледі

2029 жылдан бастап Америкалық киноакадемия «Оскар» сыйлығын тапсыру рәсімін YouTube платформасында тікелей эфирде көрсетеді. Бұл шешім дәстүрлі теледидарға қызығушылықтың азаюына байланысты қабылданды, деп хабарлайды Евронью́с.

Академия мен YouTube арасындағы келісімге сәйкес, видеосервиске премияны тапсыру салтанатын ғана емес, қызыл кілемдегі репортаждарды, сахна сыртындағы материалдарды және дәстүрлі Губернаторлар балын көрсетуге эксклюзивті құқық беріледі.

«Оскар» соңғы 50 жыл бойы ABC телеарнасында көрсетіліп келген. Бұл ұзақ мерзімді келісім 2028 жылы өтетін жүзінші салтанатты рәсімнен кейін аяқталады. Сол жылы марапаттау әлі де ABC арнасында көрсетіледі.

Ал 2029 жылдан бастап әлемнің кез келген жеріндегі көрермендер YouTube арқылы шоуға тегін қосыла алады. Бұл платформаға екі миллиардтан астам адам қол жеткізе алады, сондықтан аудитория бұрынғыдан әлдеқайда кеңеймек.

Соңғы жылдары теледидарға қызығушылықтың төмендеуіне байланысты «Оскар» көрермендерінің саны жыл сайын азайып келген. YouTube-қа көшу салтанатты рәсімнің жаңа буын көрермендеріне қолжетімді болуын қамтамасыз етеді.

Киноакадемияның шешімі Голливудтағы үлкен өзгерістердің бір бөлігі ретінде қабылдануда. «Оскар» енді тек теледидарлық шоу емес, ғаламдық цифрлық оқиғаға айналмақ.

Бүгін, 13:22