Осы көктемде Астана мен Шымкент әуежайларында жөндеу жұмыстары жоспарланған

Компанияның дерегінше, Астана әуежайында жұмыстар 15 сәуір мен 31 мамыр аралығында өтеді. Осы кезеңде күн сайын сағат 10:00–ден 18:00–ге дейін әуеайлақтағы ұшу-қону жолағы уақытша жабылады. Соған байланысты күндізгі рейстердің ұшу және қону уақыты ауысуы мүмкін.

Ал Шымкент әуежайында жөндеу 28-30 сәуір күндеріне жоспарланған. Бұл уақытта, яғни сағат 12:00–ден 18:30–ға дейін, рейстер қозғалысына шектеу қойылады.

Әуе компаниясы жолаушыларға рейс мәртебесін алдын ала нақтылап, сапар жоспарын өзгерістерді ескере отырып құруға кеңес береді.

Бұдан бұрын Шымкент әуежайында ескі ұшу-қону жолағы рейстерге кедергі келтіргенін жазған болатынбыз.