Ота жасатып, қалыпты өмір сүріп жатқан болар : Продюсер Вагнер құрылтайшысы тірі болуы мүмкін дейді

Продюсер Иосиф Пригожин Евгений Пригожиннің өліміне күмән келтіріп, оның тірі болуы мүмкін екенін жоққа шығармайды, деп хабарлайды Рамблер. 

Иосиф Пригожин, танымал ресейлік продюсер әрі әнші Валерияның жұбайы, YouTube-тағы «Догадки Агатки» шоуында Евгений Пригожин туралы пікір білдірді. Ол «Вагнер» ЖӘК-нің құрылтайшысы Евгений Пригожиннің тірі болуы мүмкін екенін айтты:

«Кім білсін? Ол өте қабілетті әрі дарынды адам. Мүмкін, бүкіл осы оқиғаны көрініске айналдырып, жай ғана көзден ғайып болып кеткен шығар», — деді ол.

Иосиф Пригожин мұндай сценарийдің қисынсыз емес екенін айтып, тіпті «құжаттарын жаңартып, операция жасатып, қалыпты өмір сүріп жатқан» болуы мүмкін деген ойын да жасырмады.

Продюсердің бұл мәлімдемесі қоғамда қызу пікірталас тудырды. Әлеуметтік желілерде Пригожиндердің есімдерінің ұқсастығына байланысты түрлі мемдер мен әзілдер тарады. Иосиф Пригожиннің айтуынша, кейбіреулер оны Евгениймен шатастырып, тіпті «Вагнерге» жазылғысы келетіндер де болған. Ол: «Маған екі қап ақша әкелген кез де болды», деп еске алды.

Осы оқиғадан кейін Иосиф Пригожинді Беларусьтегі X-Factor байқауына қазылар алқасына шақырған. Бұл шақырту «Пригожин Минскіге ұшып барады» деген тақырыппен жарияланған, бұл да қоғамда түрлі жорамалдарға себеп болған.

2023 жылдың 23 тамызында Евгений Пригожинге тиесілі Embraer Legacy ұшағы Мәскеуден Санкт-Петербургке ұшып бара жатып, Тверь облысында апатқа ұшырады. Ұшақтағы 10 адамның барлығы, оның ішінде Пригожин мен «Вагнер» командирі Дмитрий Уткин, қаза тапты деп хабарланған болатын.

Бүгін, 13:54