Өзбекстанға өту пунктіндегі халық кептелісі ҰҚК себебін түсіндірді

"Қапланбек" өткізу бекетінде ұзын-сонар кезек пайда болды. Бұл жағдайға ҰҚК баспасөз қызметі пікір білдірді, - деп хабарлайды Tengrinews.kz.

"Қапланбек" өткізу бекетінде ұзын-сонар кезек пайда болды. Бұл жағдайға ҰҚК баспасөз қызметі пікір білдірді, - деп хабарлайды Tengrinews.kz.

Ведомствоның мәліметінше, бұл көрші ел аумағындағы "Навои" өткізу бекетінің тіркеу жүйесіндегі ақауға байланысты болған.

"Қазақстан жағындағы өткізу бекеті штаттық режимде жұмыс істеп тұр, ешқандай шектеу енгізілген жоқ. Шекара өкілдері деңгейінде өзара іс-қимыл ұйымдастырылды. Өзбек тарапының ақпараты бойынша, ақауды жою және өткізу бекетінің жұмысын қалпына келтіру шаралары жүргізіліп жатыр", — деп хабарлады баспасөз қызметі өкілдері.

ҰҚК сапар жоспарлаған кезде осы ақпаратты ескеруді сұрады.

Еске салайық, сәуірде Қазақстанда мемлекеттік шекарадан өту кезінде көліктерге арналған күту аймақтарына жаңа талаптар енгізу жоспарланып отырғаны белгілі болған еді. Көлік министрлігінің хабарлауынша, құжат қазір қаралу сатысында. Атап айтқанда, күту аймақтарын үш бөлікке бөлу ұсынылған: тұрақ, коммерциялық және әкімшілік аймақ.