Өзбекстанның әуе компаниясы Ташкенттен Астанаға тікелей рейстерді іске қосады

АСТАНА, 25 ақпан – Sputnik. 29 наурыздан бастап өзбек әуе компаниясы Centrum Air Ташкент пен Астана арасында тұрақты рейстер орындайды.

Ұшулар аптасына үш рет – дүйсенбі, жұма және жексенбі күндері Airbus A320 ұшағымен орындалады. Жол жүру уақыты шамамен екі сағатты құрайды.

Жүкті қоспағанда, екі жаққа ұшу билетінің бағасы 85 мың теңгеден басталады.

"Бұл жаңа бағыттың іске қосылуы Қазақстан мен Өзбекстан арасындағы көлік байланыстарын дамытуға, сондай-ақ екі ел арасындағы іскерлік, туризм және отбасылық байланыстарды кеңейтуге бағытталған", - деп хабарлады Астана әуежайының баспасөз қызметі.