Парақорлық туралы әңгіме қазірдің өзінде қылмыс. Парламент жаңа түзетулерді мақұлдады

Қазақстандықтарды пара беру туралы ұсыныс немесе уәде бергені үшін ғана жазалау жоспарланып отыр. Мұндай шара сыбайлас жемқорлыққа қарсы іс-қимыл мәселелері жөніндегі жаңа заңда қарастырылған. Құжатты бүгін Сенат бірінші оқылымда мақұлдады, - деп хабарлайды Tengrinews.kz.

Қазақстандықтарды пара беру туралы ұсыныс немесе уәде бергені үшін ғана жазалау жоспарланып отыр. Мұндай шара сыбайлас жемқорлыққа қарсы іс-қимыл мәселелері жөніндегі жаңа заңда қарастырылған. Құжатты бүгін Сенат бірінші оқылымда мақұлдады, - деп хабарлайды Tengrinews.kz.

Сенатор Андрей Лукиннің түсіндіруі бойынша, ұсынылып отырған өзгерістер мемлекеттік қызметшілерге теңестірілген адамдар тобына да қатысты болады, бірге жұмыс істейтін туыстарға арналған ережелер қатаңдатылады және ішкі сыбайлас жемқорлыққа қарсы бақылау күшейтіледі. Сонымен қатар, сыбайлас жемқорлық құқықбұзушылықтары мен мүдделер қақтығысын жасырғаны үшін жауапкершілікті арттыру жоспарланған. Алайда негізгі жаңалық - пара беру ниетінің өзін қылмыс деп тану.

Мемлекеттік қызмет істері агенттігінің өкіліне сауал жолдаған сенатор Евгений Больгерт мұндай әрекеттердің нақты қалай сараланатынына қызығушылық танытты. Атап айтқанда, ол: пара беру туралы уәде немесе ұсыныс аяқталған қылмыс болып санала ма, әлде дайындық кезеңі ретінде қарастырыла ма? - деген сұрақ қойды.

"Егер параны нақты беру дерегі болмаса, уәде беру сатысында ниеттің минималды дәлелдеу шегі қандай? Сондай-ақ, адам пара беру туралы ауызша уәдесі үшін жауапқа тартыла ма?" - деп сұрады сенатор.

Агенттік мәселе ниеттің өзін қылмыстық жауапкершілікке тарту туралы болып отырғанын растады. Ведомство өкілі Салауат Мүксімовтің айтуынша, ұсыныс немесе уәде беру дерегінің өзі - мейлі ол ауызша болсын, мейлі жазбаша нысанда болсын, соның ішінде әлеуметтік желілердегі хабарламалар.

Ол болжамды параның сомасы да маңызды екенін атап өтті - құқықбұзушылықты саралау және жаза деңгейі соған байланысты болады.

"Бұл сыбайлас жемқорлыққа мүлдем төзбеушілік мәдениетін қалыптастырудағы бұрын-соңды болмаған қадам, енді жемқорлық пен пара туралы әңгіменің өзі қылмысқа айналады. Мәлім болғандай, 2 АЕК-тен (2026 жылы 8 650 теңге) асатын сомалар үшін қылмыстық жауапкершілік қарастырылған. Яғни, бұл - айтарлықтай көлем, ірі немесе аса ірі мөлшер. Бұл құрамдардың әрқайсы бойынша санкциялар әртүрлі. Жалпы алғанда, мұнда ұсыныс немесе уәденің өзі дәлелдеу базасы болып табылатынын айту керек", - деп түсіндірді ол.

Сенат төрағасы Мәулен Әшімбаев мұндай деректердің ауызша мәлімдемелерден бастап интернеттегі хат алмасуларға дейін әртүрлі тәсілдермен тіркелуі мүмкін екенін айтты.

"Қылмыстық ниет лауазымды тұлғаға ауызша мәлімдеме жасау немесе хабарламаны жазбаша жіберу, соның ішінде әлеуметтік желілер мен интернеттегі хабарламалар арқылы анықталуы мүмкін. Сондықтан, жалпы алғанда, сот практикасы сот процесіндегі дәлелдеу құралдарының негізгі қағидаттарына сүйенеді", - деді ол.

Google News арқылы жаңалықтарымызды қадағалаңыз