Пашинян: Армения ЕО мен ЕАЭО ға бір мезгілде мүше болу мүмкін емес екенін түсінеді

АСТАНА, 7 тамыз – Sputnik. Армения ЕАЭО мен Еуроодаққа бір мезгілде мүше болу мүмкін емес екенін түсінеді, деп мәлімдеді Армения премьер-министрі Никол Пашинян Шолпан-Атадағы Еуразиялық үкіметаралық кеңестің кеңейтілген отырысында сөйлеген сөзінде.

"Армения ЕАЭО-ға мүше төрт мемлекет көшбасшыларының 2026 жылғы 29 мамырдағы мәлімдемесін назарға алды. Онда Арменияда ЕАЭО-ға қосылу туралы референдум өткізуді қолдайтыны айтылған", - деді Армения премьер-министрі.

Ол 2025 жылы Арменияның Еуроодаққа қосылуы туралы заң қабылдағанын еске алды.

"Бұл заңды қабылдаудың стратегиялық мақсаты - біздің еліміз үшін балама жасау. Біз ЕАЭО мен Еуроодаққа мүше болу мүмкін емес екенін түсінеміз. Дегенмен бұл заңды қабылдаудың өзі Арменияның бүгінде Еуроодақ мүшесі болу мүмкіндігіне ие екенін білдірмейді", - деді Пашинян.

Пашинян Арменияның Еуропалық Одақпен қарым-қатынасында ЕАЭО-дағы мәртебесіне қайшы келетін ешқандай міндеттемелер екенін айтты.

"Армения мен Еуропалық Одақ арасындағы қазіргі қарым-қатынаста ЕАЭО ішіндегі және аясындағы мәртебемізге қайшы келетін ешқандай заңды, экономикалық немесе саяси міндеттемелер жоқ екенін айтуым керек", - деді Армения премьер-министрі.

29 мамырда Астанадағы ЕАЭО саммитінде Ресей, Беларусь, Қазақстан және Қырғызстан көшбасшылары Арменияда Еуроодаққа кіру немесе ЕАЭО құрамында қалу туралы жалпыұлттық референдум өткізу қажеттілігі туралы ортақ ұстанымын білдіретін бірлескен мәлімдеме қабылдады.