Павлодарда көктайғақ салдарынан 100 ден астам адам жарақат алған

№ 1 Павлодар қалалық ауруханасының травматологиялық пункті демалыс күндері түрлі жарақат алған 130-да астам адамды қабылдаған. Олардың дені көктайғақтан зардап шеккен. Әсіресе, соңғы екі тәулікте дене сүйектерінің шығуы, сынуы бойынша хабарласып жатқандар көп.

— Өңірде соңғы күндері қар жауып, көшелерде мұз қатты. Тайып жығылып жатқандардың көбі егде жастағы және биік өкшелі, табаны тегіс аяқ киім киген адамдар. Пациенттер көп жағдайда уақтылы хабарласпайды. Травматология пунктіне уақытында келмеуі себепті сүйек сынғанын білмей қалады. Сондықтан кез келген жарақатта бірден емдеу мекемелеріне жүгінген абзал, — дейді № 1 қалалық аурухана өкілдері.

Дәрігерлер құлау кезінде көбіне қол мен аяқтың зиян шегетінін айтады.

Еске сала кетейік, Павлодарда жауған алғашқы қар жол қозғалысын қиындатты.