Песков: Путин мен Лукашенко Зеленскийдің Беларуське жасаған мәлімдемесін талқылайды

АСТАНА, 22 маусым – Sputnik. Ресей президенті Владимир Путин мен Беларусь президенті Александр Лукашенко алдағы кездесуінде Владимир Зеленскийдің Минскіге жасаған ескертуін талқылай алады, деп хабарлады Кремль баспасөз хатшысы Дмитрий Песков.

Бұл туралы РИА новости жазды.

Украина президенті Владимир Зеленский бұған дейін Беларусь басшысы Александр Лукашенкоға шекара маңындағы әскери инфрақұрылымды жою бойынша ескерту жасаған болатын.

"Шынында да – бұл туралы Александр Григорьевич айтқанын білесіз – жақын болашақта кездесулер өткізу жоспарда бар. Бұл осы және басқа да мәселелерді талқылауға жақсы мүмкіндік болады", - деді Песков РИА Новости агенттігінің сұрағына жауап беріп.