Прагада электросамокаттардың жалға берілуіне тыйым салынады

Чехия астанасының вице-мэрі Зденек Гржиб бұл туристер үшін ыңғайлы көлік түрін тротуарларда хаос тудырғаны үшін сынға алды.

Дүйсенбі күні қалалық кеңес мүшелері электросамокаттарға қатысты ережелерді қайта қарауды мақұлдады.

Велосипедтерге (педальді және электрлік) тұрақ орындарына қатысты жаңа ережелер енгізілетін болса, электросамокаттар жаңа ережелерге бағынбайды. Бұл жаңа ережелер электросамокаттарды қаланың ішінде пайдалануды тоқтатады, деп жазады Reuters.

Вице-мэрдің айтуынша, жаңа ережелер қоғамдық кеңістікті бақылаусыз қозғалып жүретін электросамокаттардан тазарту мақсатында енгізіліп жатыр. Олар көбінесе қала орталығында көлік құралы емес, туристік ойын-сауық құралы ретінде пайдаланылып, тротуарларда және жаяу жүргіншілер аймақтарында хаосқа себепкер болған.

Прага, басқа да танымал еуропалық туристік бағыттар сияқты, соңғы жылдары электросамокаттарға қатысты бақылауды күшейтті. Мысалы, Италияда міндетті түрде каска кию және сақтандыру талаптары енгізілді, ал Париж бен Мадридте оларды толықтай жалға беру қызметі тоқтатылды. Финляндияда 15 жасқа дейінгі балаларға электросамокат пайдалану тыйым салынған.

Қала билігі жергілікті тұрғындардан түскен шағымдарға жауап ретінде скутерлердің тротуарлар мен саябақтарда зырғып жүріп, тротуарларды немесе көше бойындағы тұрақтарды бөгейтінін атап өтті.

Қала билігі велосипедтерді ортақ пайдалану қызметтерінің кеңінен қолданылуын қолдауды мақсат етіп, электросамокаттар велосипедтерге қарағанда жоғары деңгейдегі апаттар санына әкелетінін мәлімдеді.

Осыдан бұрын Тәжікстан астанасында скутер мен электрлі самокаттарға тыйым салынғаны белгілі болды.