Президент атына жеделхаттар түсті

Мемлекет басшысының атына Республика күніне орай жеделхаттар түсіп жатыр. Шет мемлекеттер басшылары Қасым-Жомарт Тоқаев пен қазақ жұртын ұлттық мерекемен құттықтауда. 

Ресей Президенті Владимир Путин өз жазбасында Қазақстан әлеуметтік-экономикалық даму жолында нық қадам басып, халықаралық аренадағы беделін дәйекті түрде нығайтып келе жатқанын атап өткен. 

Ал Қытай Төрағасы Си Цзиньпин Қазақстан қоғамында татулық пен тұрақтылық салтанат құрып, экономика қарқынды дамып келе жатқанына назар аударды. 

АҚШ Президенті Дональд Трамп болса Қасым-Жомарт Тоқаевпен таяудағы әңгімелесуіне ықыласпен тоқталған. Бұл тізімде Франция Президенті Эмманюэль Макрон да бар. Ол қауіпсіздік және аймақтық тұрақтылықтың негізгі мәселелері бойынша Қазақстанмен сенімді диалогқа баса мән беретінін жеткізді. Жеделхаттар аймақтағы барлық елдің ьасшысынан келді. Ұлыбритания, Белгия, Испания сынды шалғайдағы ондаған саясаткердің жылы лебізі де түсті. Одан бөлек халықаралық ұйым басшылары да шетте қалмады. Жеделхаттар әлі де түсіп жатыр.