Президент: Парламент кәсіби болуға тиіс

«Болашақ депутатар корпусының білімі маңызды факторға айналады. Парламент кәсіби болуға тиіс», - деді Мемлекет басшысы. Бір палаталы Парламентте партиялардың көп болуы саяси диалогты кәсіби негізде өрбітуге ынталандырады. Президент жаңа жағдай партия жұмысына тың талаптар қоятынын айтып, референдумға дейін атқарылатын жұмыстың бәрін мұқият ойластырып, байыппен жүргізуді тапсырды. Осы мәселеге қатысты айтылатын әрбір ой-пікір тексеріліп, ескеріледі. 

Қасым-Жомарт Тоқаев, Қазақстан Республикасының Президенті:

- Білікті мамандар өз ойларын ашық айтып, тиімді ұсыныстар беруі керек деп санаймын. Түпкілікті шешім, яғни қоғам пікірі дұрыс болуы үшін осы мәселеге қатысты айтылатын әрбір ой-пікір де әбден тексерілген, екшелген, жан-жақты сарапталған болуы керек. Бұл – өте маңызды мәселе. Сондықтан Жұмыс тобы өз міндетін нағыз кәсіби ұстанымға сай атқаруға тиіс. Жұмыс тобы өз міндетін нағыз кәсіби ұстанымға сай атқаруға тиіс. Атап айтқанда, «е-Otinish» және «е-Gov» порталдары арқылы келіп түскен барлық ой-пікірді сараптап, зерделеу қажет. Біз Әділетті мемлекет ретінде әр азаматтың ортақ іске пайдалы болатын ұсынысын ескеруіміз керек.