Қайсарлығы мен рухына тәнті болдым : Димаш Құдайберген қандай кітап оқып жатқанын айтты (видео)

Халық әртісі, әнші Димаш Құдайберген "Кітап оқитын ұлт" республикалық марафонына қатысып жатыр , – деп хабарлайды Aikyn.kz.

Бұл туралы әлеуметтік желіде бейнежазба жариялады. Сонымен қатар суретші Кәріпбек Күйіковтің автобиографиялық кітабын оқуды ұсынды.

«Президент Қасым-Жомарт Тоқаевтың бастамасымен және ҚР Мәдениет және ақпарат министрлігінің қолдауымен «Кітап оқитын ұлт» республикалық марафоны басталды. Мен де марафонға байқаудан тыс «Парасат» санаты бойынша қатысып, белгілі суретші әрі ядролық қаруға қарсы қозғалыс белсендісі Кәріпбек Күйіковтің «Жизнь без рук» («Қолсыз өмір») автобиографиялық кітабын ұсындым. Қарағандыда Кәріпбек ағамен кездесіп, оның қайсарлығы мен рух беріктігіне тәнті болдым. Марафон кітап оқуға, тағылым алуға және ой бөлісуге жол ашсын!» - деді әнші.

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.