Қандай шоттарды бұғаттан шығаруға болады

АСТАНА, 10 сәуір – Sputnik. Белгілі бір төлем түрлерін алуға арналған шоттарды бұғаттан шығару науқаны басталды, деп хабарлады Әділет министрлігі.

Науқанды Әділет министрлігі Республикалық Жеке сот орындаушылары палатасымен бірлесіп іске қосты.

Тыйым 2026 жылдың 6-30 сәуірі аралығында келесідей шоттардан алынып тасталады:

жалақы;

алимент;

зейнетақы;

мемлекеттік жәрдемақыларға арналған шоттар.

Ол үшін азаматтар Adilet.gov мобильдік қосымшасында тіркеліп, жеке сот орындаушысына шоттардан тыйымды алып тастау туралы өтініш беруі керек.

"Тыйым тек растау құжаттары ұсынылған жағдайда ғана алынып тасталады (жалақы түсетін шоты көрсетілген жұмыс орнынан анықтама, шоттың зейнетақыға арналғанын растайтын анықтама және т.б.)", - деп жазылған хабарламада.

Сонымен қатар, Әділет министрлігі шоттардан тыйымды алып тастау азаматтарды атқарушылық құжаттар бойынша талаптарды орындаудан (сомаларды өндіріп алу, айыппұлдар және т.б.) босатпайтынын ескертті.