Қарағандыдағы тірек пунктінде қайтыс болған қыздың ісінен кейін бірнеше полицей қызметінен босатылды

Михайлов полиция бөлімінің бастығы, оның қызмет жөніндегі орынбасары және учаскелік полицейлер жұмысын қадағалаған орынбасары қызметтерінен босатылды. Сонымен қатар Қарағанды полиция басқармасындағы бірнеше басшы тәртіптік жазаға тартылып, сөгіс алған, деп хабарлайды Arasha.kz.

Бұл туралы «Патриот» телеграм арнасы жазды.

Оқиға 29 қыркүйекке қараған түні болған. Майор өзіне таныс қызды полиция тірек пунктіне шақырған. Бұған дейін де ол қызды түнгі кезекшіліктер кезінде жұмыс орнына ертіп келгені белгілі болды.

Ертеңіне, 30 қыркүйекте, аға учаскелік инспектор қызды диванда өлі күйінде, ал әріптесін жұмыс үстелінің жанында ес-түссіз күйде тапқан. Дәрігерлер ер адамды аман алып қалды, ол қазір ауруханада жатыр.