Қараңғыда көрсетілетін картиналар: Қарағандыда ерекше көрме ашылады

Қарағанды қаласындағы «Алтын ғасыр» галереясында ерекше форматтағы көрме көпшілікке жол тартады. Авторлық жаңа техникамен салынған картиналар жартылай қараңғы кеңістікте ұсынылып, көрерменге өзгеше әсер сыйламақ, деп жазады Egemen.kz.

Фото: Қарағанды облысы әкімдігі

Құпияға құрылған тұжырымдама

Көрменің креативті идеясын қарағандылық суретші Дмитрий Кецман ұсынған. Ол қараңғыда бейнені айқындай түсетін өзіндік көркемдік әдісін әзірлеп, оны Phosphorescent shadow body деп атаған.

Суретші жаңа техниканың қыр-сырын әдейі жария етпейді. Оның айтуынша, шығармашылықтағы белгісіздік көрермен қызығушылығын күшейтіп, экспозицияның айрықша атмосферасын қалыптастырады.

«Экспозицияға деген қызығушылықты сақтайтын құпия болуы керек деп ойлаймын. Залда мүлде қараңғылық орнамайды, тек қою жартылай қараңғылық болады. Сол себепті келушілерден қара немесе қою түсті киіммен келуді өтінеміз – бұл олардың көзге түспей, жалпы көркем кеңістіктің бір бөлшегіне айналуына мүмкіндік береді», деді Дмитрий Кецман.

Ұлытауда отбасылық сурет көрмесі өтті

Экспозицияға қойылған туындыларды мазмұны емес, орындалу тәсілі біріктіреді. Картиналардың тақырыбы мен идеялық шешімі сан алуан. Әрбір шығарма өзіндік көңіл күй мен терең мағынаны арқалап, көрерменді жеке әсерге бөлейді.

Айта кетейік, Дмитрий Кецман – қарағандылық қылқалам шебері, Ұлыбританиядағы Таланттардың жаһандық конфедерациясының алтын серіктесі, Мәскеудің Халықаралық суретшілер одағының мүшесі. Ол – көптеген халықаралық фестивальдер мен байқаулардың лауреаты. Бұл көрме – суретшінің «Алтын ғасыр» галереясындағы үшінші жеке шығармашылық кеші.

Көрменің салтанатты ашылуы 14 ақпанда сағат 18:00-де өтеді. Кіру тегін. Өнерсүйер қауым экспозицияны 19 ақпанға дейін тамашалай алады.

Алматыда жас таланттардың сурет көрмесі ашылды

Соңғы жаңалықтар

Бүгін 1 долларды қанша теңгеге сатып алуға болады?

Қаржы • Бүгін, 09:56

Елтаңбаны балғамен ұрып, Туды өртеген: Павлодардағы мектепте болған оқиға жұртты шошытты

Аймақтар • Бүгін, 09:48

Қарлы боран, көктайғақ, қатты жел: 11 ақпанға арналған ауа райы болжамы

Ауа райы • Бүгін, 09:30

Қысқы Олимпиада: Отандастарымыздың бүгінгі жарыс кестесі жарияланды

Қысқы спорт • Бүгін, 09:27

Бүгін Астанада бірінші ауысым оқушылары онлайн оқиды

Білім • Бүгін, 09:16

Михаил Шайдоров қысқа бағдарламада қалай өнер көрсетті?

Қысқы спорт • Бүгін, 09:07

Қауқарлы құс фабрикасы

Экономика • Бүгін, 09:05

Қарашығанақтың «кіндігін кескен»

Еңбек • Бүгін, 09:00

Талап пен тәжірибе

Жұмысшы мамандықтар жылы • Бүгін, 08:55

Қазақ тойының төлқұжаты

Руханият • Бүгін, 08:53

Цифрлық дәуірдегі кино өнері

Қоғам • Бүгін, 08:50

Бір тәулікте – 8,3 миллион дана

Ғалам ғажаптары • Бүгін, 08:45

Техниканың тілін білетін шебер

Еңбек • Бүгін, 08:42

Қытай ғалымдары киікті зерттеуге ден қоймақ

Ғылым • Бүгін, 08:40

Тәлімгер тәлімі

Қоғам • Бүгін, 08:38

Барлық жаңалықтар