Қарызға белшесінен батқан адамдар не себепті банкрот болуға асықпайды

АСТАНА, 15 сәуір – Sputnik. Қаржы нарығын реттеу және дамыту агенттігінің төрағасы Мәдина Әбілқасымова жеке тұлғалардың банкроттығы туралы заңның негізгі кемшілігін атады, деп хабарлайды Sputnik Қазақстан тілшісі.

Соңғы мәліметке сәйкес, осы уақытқа дейін 70 мың адам банкроттыққа өтініш берген. Алайда кредит төлеу мерзімі 2-5 жылға өтіп кеткен азаматтардың саны одан әлдеқайда көп, 500 мыңнан асады. Олардың барлығы кредит төлей алмаса да, банкрот болуға асықпайды. Оның өзіндік себебі бар.

"Олардың банкрот болуға ұмтылмайды. Себебі заңның кемшіліктері бар. Ең маңызды кемшілік – банкрот болған адамға бес жыл бойы жаңа кредит беруге тыйым салу. Содан көбісі банкроттыққа өтініш бермейді", - деді Әбілқасымова мәжілісте өткен брифингте.

Ал соттан тыс банкроттыққа жүгіну үшін борышкердің мүлкі болмауы шарт. Сондай-ақ, ай сайынғы табысы 170 мың теңгеден аспауы қажет.

"Бірақ адамдардың көбісі осы екі талапқа сай келмей жатады. Сондықтан былтыр біз жаңа норманы енгіздік. Оған сәйкес, қарыз төлеу мерзімі бес жылдан асып кеткен жағдайда ол екі талапты орындаудың қажеті жоқ", - деп атап өтті агенттік басшысы.

Айта кетері, бүгінде кредитті тексеріссіз есептен шығаруға болады.