Қасым Жомарт Тоқаев Жеңіс күнімен құттықтады

Мемлекет басшысы Қасым-Жомарт Тоқаев Қазақстан халқын Жеңіс күнімен құттықтады, деп хабарлайды Egemen.kz.

«Қымбатты отандастар! Сіздерді Жеңіс күнімен шын жүректен құттықтаймын! Бүгін біз майдан даласында Отан үшін от кешіп, ерлік жасаған жауынгерлерге және тылда табанды еңбек еткен ардагерлерге шынайы ризашылық сезіммен тағзым етеміз. Қасіретті жылдардың барлық ауыртпалығын қайыспай көтеріп, Жеңіске жеткен аға буынға айрықша құрмет көрсетеміз.

Еліміз ортақ Жеңіске өлшеусіз үлес қосты. Екінші дүниежүзілік соғыс кезінде миллиондаған отандасымыз жанқиярлықпен шайқасты, аянбай жұмыс істеп, әскерді керек-жарақпен қамтамасыз етті. Жүзден астам жерлесіміз «Даңқ» орденінің толық кавалері атанды, бес жүз адам Батыр атағын алды, ондаған мың азамат жауынгерлік ерлігі және қажырлы еңбегі үшін марапатталды. Біз аға буынның өшпес даңқын ешқашан ұмытпаймыз», делінген құттықтауда.

Осы ретте Президент жаужүрек сардарлар мен сарбаздардың құрметіне мемориалдар орнатылып, кітаптар шығарылып, фильмдер түсірілгенін, сондай-ақ көшелерге, мектептерге, музейлерге, әуежайларға, әскери бөлімдер мен институттарға ел қорғаған ерлердің есімі беріліп жатқанын атап өтті.

«Қаһарман ардагерлеріміздің ерен ерлігінің мән-мағынасын өскелең ұрпақтың санасына сіңіру – бүгінгі буынның қасиетті парызы. Біз ержүрек майдангерлердің қайтпас қайсарлығы мен асқақ рухының арқасында дербес әрі бейбіт елде өмір сүріп келеміз, сондай-ақ, төл мәдениетімізді дамытып, қазіргі заманның игілігін сезініп отырмыз. Қазақстанды бүкіл әлем біледі және құрметтейді. Біз жаңа Конституция ережелеріне сәйкес Әділетті Қазақстанды құрып жатырмыз.

Ата заңымыз ешкімді ұлтына, наным-сеніміне қарай бөліп-жармайды, барлық азаматтың құқықтары мен бостандықтарын бірдей қорғайды. Ұлы Жеңіс күні – ең алдымен, жауынгерлік ерлігі мен жігерлі еңбегінің арқасында мамыражай заманға жеткізген батырларымыздың есімін ел жадында жаңғырту күні. Бұл – ұлан-асыр тойға емес, мәнді әрі мағыналы ойға шақыратын мереке. Халқымыздың бейбіт өмірге және өсіп-өркендеуге ұмтылысының айқын көрінісі іспеттес көк байрағымыз әрдайым ашық аспан астында желбіресін! Ұлы Жеңіс күні құтты болсын!», деді Мемлекет басшысы.

Соңғы жаңалықтар

Қасым-Жомарт Тоқаев Жеңіс күнімен құттықтады

Президент • Бүгін, 09:05

30 млн еуро: Хорватиялық экс-шенеунік Қазақстанда қолға түсті

Оқиға • Кеше

Айдын және Анар Рахымбаевтар байлығының жартысын қайырымдылыққа береді

Қоғам • Кеше

Мемлекет басшысы Мәскеу қаласына барды

Президент • Кеше

Ұлттық қауіпсіздік комитеті интернет және киберсалада бақылауды күшейтеді

Қоғам • Кеше

Инсульттан кейінгі оңалту: Елімізде жасанды интеллект көмегімен экзоскелет жасалды

Медицина • Кеше

Жасөспірімге қызмет көрсеткен: Алматыда ойын клубы заң бұзғаны үшін жабылды

Алматы • Кеше

Президент Мәскеуге жұмыс сапарымен барады

Президент • Кеше

Мемлекет басшысы бірқатар заңға қол қойды

Президент • Кеше

Қазақстан хоккей құрамасы әлем чемпионатында барлық ойында жеңіске жетті

Хоккей • Кеше

Instagram-да жаппай тазарту: Роналду мен Кайли миллиондаған оқырманынан айырылды

Оқиға • Кеше

Астанадағы жалғыз соғыс ардагеріне құрмет көрсетілді

Тағзым • Кеше

Ақмола облысында батырларға арналған музей ашылды

Мәдениет • Кеше

Балқан математикалық олимпиадасында Қазақстан құрамасы үздік алтылыққа енді

Зерде • Кеше

Президент Qazaqstan Barysy Grand Slam халықаралық рейтингтік турниріне барды

Президент • Кеше

Барлық жаңалықтар