Қазақ еліне +1 сәби : Мөлдір Мұқан қуанышты жаңалығын жариялады

Продюсер, блогер Мөлдір Мұқан ата-ана болуды армандап жүрген отбасыға қолдау көрсетеді, – деп жазды Aikyn.kz. 

Мөлдір Мұқан әлеуметтік желіде қуанышты жаңалығын жариялады. Ол ұзақ уақыт сәби сүйгісі келіп жүрген бір отбасының ЭКО бағдарламасына қажет барлық шығынын өзі төлемек.

Әрбір отбасының ең үлкен армандарының бірі - сәбилі болу. Алайда бұл жол кейбір отбасылар үшін ұзақ әрі қиын болуы мүмкін.

Мөлдір Мұқан көптен бері ата-ана болуды армандап жүрген бір отбасына қолдау көрсеткісі келетінін жеткізді.

Ол осы отбасының ЭКО бағдарламасына қажетті барлық шығынды өз мойнына алып, толықтай демеушілік жасауға ниетті.

Бұл - бір отбасыға берілген үлкен мүмкіндік, бір арманға жасалған маңызды қадам.