Қазақстан банкі ЕО санкцияларына ілікті

Еуропалық Одақ 19-шы санкциялық пакетін бекітіп, оған Беларусь пен Орталық Азия елдерінің бірнеше банкі іліккені хабарланды. Ресми тізімге сәйкес, Қазақстаннан ВТБ банкі санкцияға іліккен. Шектеу 2025 жылдың 2 желтоқсанынан бастап күшіне енеді.

ВТБ банкі ресейлік қаржы тобына тиесілі, Қазақстанда 2008 жылы тіркеліп, 2009 жылы қызметін бастаған. Санкциялар аясында банк ЕО елдеріндегі серіктестермен есеп айырысуға, әсіресе еуро мен доллармен операция жасауға шектеу алады.

Сонымен қатар, Орталық Азиядағы басқа банктерге де 12 қарашадан бастап шектеулер енгізіледі:

«Толубай АКБ» (Қырғызстан)

«Еуразиялық Жинақ Банкі» (Қырғызстан)

«Спитамен Банк» (Тәжікстан)

«Душанбе Сити Банк» (Тәжікстан)

«Тәжікстан Коммерциялық Банкі»

19-шы санкциялық пакетке сонымен қатар:

Ресейлік сұйытылған газды кезең-кезеңімен импорттауға тыйым;

«Роснефть» пен «Газпромнефть» секілді ресейлік мұнай компанияларына толық транзакциялық тыйым;

«Көлеңкелі флот» деп аталатын кемелер тізімін кеңейту;

Ресей және үшінші елдердегі әскери-өнеркәсіп кешені үшін технология жеткізетін 45 компанияға шектеу кіреді.

Бүгін, 14:22