Қазақстан дәрі дәрмек сапасын арттыруда: халықаралық нарыққа жаңа қадам

Қазақстан отандық өнімге деген сенімді арттыру және экспорттық нарықтарға шығу үшін реттеуші жүйені халықаралық аккредиттеу бойынша жұмыс жүргізіп жатыр. Бұл туралы Денсаулық сақтау министрі Ақмарал Әлназарова мәлімдеді.

Оның айтуынша, қазіргі уақытта Дүниежүзілік денсаулық сақтау ұйымының сарапшылары жүйенің ағымдағы жағдайына 8 индикатор бойынша жоғары баға берді. ДДҰ-ның соңғы аудиті 2026 жылдың бірінші жартыжылдығына жоспарланған.

Президент тапсырмасы бойынша Астанада халықаралық нарыққа шығу үшін дәрі-дәрмектерді сынау спектрін кеңейтетін зертханалық кешен құру жалғасып жатыр.

«Өндірілетін дәрі-дәрмектердің сапасын қамтамасыз ету үшін Ұлттық реттеу жүйесінің 3-ші жетілу деңгейіне жету қажет. Қазақстан қатаң реттеу жүйесі бар ел ретінде посткеңестік кеңістікте мұндай деңгейге жеткен бірінші мемлекет болмақ. Бұл шығарылатын өнімнің сапасына деген сенімнің жоғары деңгейін қамтамасыз етеді және қазақстандық өндірушілердің экспорттық әлеуетін күшейтеді», — деп атап өтті Ақмарал Әлназарова.

Бүгін, 12:35