Қазақстан экономикасы жарты жылда қанша процент өсті

АСТАНА, 14 шілде – Sputnik. Үкімет ел экономикасының алты айдағы көрсеткіштерін жариялады, деп хабарлайды Sputnik Қазақстан тілшісі.

Премьер-министрдің орынбасары – ұлттық экономика министрі Серік Жұманғариннің айтуынша, қаңтар-маусым айларында Қазақстан экономикасы 4,1%-ға өскен.

"Экономика өсімінің негізгі драйвері мұнайға қатысты емес сектор болып қала береді. Биыл мұнайға жатпайтын секторлардың өсім қарқыны тұрақты түрде 5%-дан жоғары болып отыр", – деді Жұманғарин үкіметтің бүгінгі отырысында.

Ең жоғары өсім мына салаларда тіркелді:

құрылыс;

өңдеу өнеркәсібі;

көлік қызметтері;

сауда.

"Осы салалардың жалпы ішкі өнім өсіміне қосқан жиынтық үлесі шамамен 85%-ды құрайды. Оң динамика ауыл шаруашылығы мен байланыс қызметтері салаларында да сақталып отыр", – деп атап өтті вице-премьер.

Сонымен қатар инвестициялар экономика өсімінің негізгі драйверлерінің бірі болып қала береді.