Қазақстан мен Грузияның парламентаралық ынтымақтастығы артады

Қазақстан мен Грузияның парламентаралық ынтымақтастығы нығаяды.

Мәжіліс төрағасы Ерлан Қошановтың гүржі еліне жұмыс сапары барысында осындай меморандумға қол қойылды. Сондай-ақ Мәжіліс спикері Грузия Премьер-министрі Ираклий Кобахидземен кездесті. Басқосуда сауда, экономика, инвестиция, туризм және мәдениет салаларындағы мәселелерді талқыланды. Цифрлық технологиялар мен жасанды интеллект бағытында тәжірибе алмасуға ерекше назар аударылды. Тараптар Орта дәлізді дамыту мен жаһандық сауданы кеңейту ісінде өзара серіктестіктің маңызды рөл атқаратынын айтты.

Шалва Папуашвили, Грузия Парламентінің төрағасы:

- Меморандум парламенттік комитеттер мен жұмыс топтарының өзара ынтымақтастығын күшейтуді көздейді. Сондай-ақ Орта дәліз жобасы сияқты екі ел арасындағы әріптестікті нығайтуды қамтиды. Құжатта мәдени тәжірибе алмасуға да ерекше мән берілген.