Қазақстан мен Ресей шекарасында жүзден астам жүк көлігі жиналып қалды

Ақтөбе облысындағы "Жайсан" автомобиль өткізу пунктінде Ресейге бет алған 160-қа жуық жүк көлігі жиналып қалды, деп хабарлайды Tengrinews.kz Мемлекеттік кірістер комитетіне (МКК) сілтеме жасап.

Ведомствоның түсіндіруінше, кептеліс Ресей жағындағы іргелес "Сагарчин" өткізу пунктіндегі жол жұмыстарына байланысты туындаған.

"4 қыркүйектен бастап Ресей тарапы жол төсемін ауыстыру жұмыстарын жүргізіп жатыр, соған байланысты көлік қозғалысы бір жолақ бойынша реверстік режимде ұйымдастырылған. Бұл өткізу қабілетін шектеп, шекара арқылы өтетін көліктердің қозғалыс жылдамдығына әсер етеді", – делінген хабарламада.

МКК басқа да мемлекеттік органдармен бірлесіп "Жайсан" пунктінің үздіксіз жұмысын қамтамасыз етті және Ресей тарапының қабылдау мүмкіндігін ескере отырып, көлік қозғалысын жеделдету бойынша шаралар қабылдап жатыр.

Ол үшін өткізу пунктіндегі жұмыс күшейтіліп, көлік ағынын реттеу және оларды іргелес өткізу пункттеріне ішінара қайта бөлу ұйымдастырылды, сондай-ақ ағымдағы өткізу қабілетін ескере отырып, электронды кезектегі слоттар саны түзетілді. Жүргізушілермен жергілікті жерде түсіндіру жұмыстары жүргізіліп жатыр.

"Жағдай тұрақты бақылауда. Мемлекеттік кірістер комитеті тасымалдаушылардан маршруттарды жоспарлау кезінде жағдайды ескеруді сұрайды", – делінген хабарламада.

Бізді Google-дың негізгі дереккөздер тізіміне қосыңыз