Қазақстан сиыр етін сыртқа шығаруды қатаң квотамен шектейді

Ауыл шаруашылығы министрлігі ірі қара мал етін экспорттауға қатысты жаңа шектеу тәртібін түсіндірді. 2025 жылғы 31 желтоқсаннан бастап Қазақстан аумағынан сиыр етін үшінші елдерге және Еуразиялық экономикалық одақ мемлекеттеріне шығаруға квота жүйесі енгізілді. Бұл талап 2026 жылғы 30 маусымға дейін күшінде болады, деп жазады Egemen.kz.

Жалпы экспорттық лимит 20 мың тонна деңгейінде бекітілді. Квота тек меншікті бордақылау алаңы бар ет өңдеуші кәсіпорындарға беріледі. Яғни малды өзі өсіріп, өзі бордақыламайтын экспорттаушылар нарықтан ығыстырылады.

Бір кәсіпорынға берілетін квота бордақылау алаңының қуатына тікелей байланысты. Мәселен, 5 мың бастан асатын алаңы бар өндіруші 1 мың тоннаға дейін, ал 50 мың бастан жоғары қуаты бар кәсіпорын 10 мың тоннаға дейін ет экспорттай алады.

Министрлік бұл шешімді ішкі нарықты қорғау және алыпсатарлықты тежеу қажеттілігімен түсіндіреді. Соңғы жылдары жекелеген компаниялар мен шағын сою цехтарының малды бордақылаусыз қайта сатып, экспортқа жөнелтуі ет бағасының өсуіне ықпал еткен. Мұндай делдалдық схема сұраныс пен ұсыныстың нақты теңгерімін бұрмалап, ішкі нарыққа қысым түсірген.

Жаңа квота тетігі өндірістік инфрақұрылымға инвестиция салатын, технология енгізетін және тұрақты жұмыс орындарын ашатын нақты өндірушілерді қолдауға бағытталған. Сонымен қатар еттің шығу тегін бақылауды күшейтіп, статистиканың ашықтығын қамтамасыз ету көзделіп отыр.

Министрлік өкілдерінің айтуынша, уақытша шектеулердің басты мақсаты — азық-түлік қауіпсіздігін сақтау, ішкі тұтынуды басымдыққа қою және мал шаруашылығын ұзақ мерзімде тұрақты дамыту.

Нәтижесінде, бұл қадам отандық фермерлер мен ет өңдеушілердің позициясын нығайтып, ішкі нарықта сапалы сиыр етінің қолжетімділігін арттыруы тиіс.

Соңғы жаңалықтар

Қайтарылған қаржыға Тайынша ауруханасы жаңартылды

Экономика • Бүгін, 15:20

Қазақстан мен Хорватия серіктестігі нығаяды

Саясат • Бүгін, 15:05

Мұстафа Шоқайдың бұрын жарияланбаған фотосуреттері табылды

Жәдігер • Бүгін, 14:45

Израилдің батыс жағалауында 4G іске қосылды

Саясат • Бүгін, 14:00

Ислам Чесноков Шотландияның «Хартс» клубына ауысты

Футбол • Бүгін, 13:35

Президент сұхбаты: мемлекет саясаты қалай өзгерді?

Саясат • Бүгін, 13:11

АҚШ Конгресі Венесуэлаға қатысты әрекеті үшін Трампты айыптады

Әлем • Бүгін, 12:40

Юто Кубо Қаршыға Дәуітбектің көзін шұқып алды

Спорт • Бүгін, 12:15

Диспансерлік есепте тұрған 1787 жүргізушінің көлік басқаруына шектеу қойылды

Қоғам • Бүгін, 12:03

Автожолдардағы бүгінгі ахуал қандай?

Оқиға • Бүгін, 11:37

Дастан Сәтпаев үздіктердің көшін бастап тұр

Футбол • Бүгін, 11:26

Астанаға апаратын автобус

Қоғам • Бүгін, 10:55

Жаңа техника жұмысты жетілдіреді

Аймақтар • Бүгін, 10:50

Жігіттер жарап тұр

Кәсіпқой бокс • Бүгін, 10:45

Үздік балуандар анықталды

Күрес • Бүгін, 10:40

Барлық жаңалықтар