Қазақстанда 2035 жылға дейінгі гидроэнергетиканы дамыту жоспары бекітілді

Үкімет еліміздің гидроэнергетикалық әлеуетін игеруге арналған 2035 жылға дейінгі даму жоспарын қабылдады. Тиісті қаулыға Премьер-министр Олжас Бектенов қол қойды.

Құжат саланы дамытудың ұзақмерзімді тәсілін қалыптастырып, 6 негізгі бағыт бойынша 30 іс-шараны қамтиды.

Негізгі бағыттар мен міндеттер:

Ресурстарды зерттеу: Өзендердің су теңгерімі мен энергетикалық әлеуеті бағаланып, болашақ ГЭС-тер үшін қолайлы жер учаскелері әзірленеді.

Цифрлық платформа: Жоспарланған нысандар бойынша барлық дерек мемлекеттік органдар мен инвесторларға арналған бірыңғай цифрлық базаға біріктіріледі.

Жаңа қуат көздері: 2030 жылдың соңына дейін кемінде 500 МВт жаңа гидроэнергетика қуатын іске қосу және гидроаккумуляциялық электр стансаларын салу көзделген.

Ғылым мен кадр: Саланы мамандармен және ғылыми-техникалық базамен қамтамасыз ету шаралары жүргізіледі.

Жаңа нысандарды орналастыру кезінде экологиялық шектеулер мен табиғатты қорғау талаптары ескеріледі. Бұл өңірлерді энергиямен қамтамасыз ету сенімділігін арттырып, еліміздің Бірыңғай электр энергетикалық жүйесін нығайтуға мүмкіндік береді.

Бүгін, 10:16