Қазақстанда бір жылда трансплантация бойынша 70 ке жуық операция жасалды

АСТАНА, 5 ақпан – Sputnik. 2025 жылы өмір сүру үшін маңызды ағзаларды транспланттау бойынша 68-ден астам операция сәтті жүргізілді, деп хабарлады денсаулық сақтау министрлігі.

Бір жылдың ішінде қайтыс болғаннан кейінгі донорлардан 18 донорлық процесс жүргізілді, бұл өмірлік маңызды ағзаларды 68 транспланттауға мүмкіндік берді.

Министрлік мәліметінше, бұл ретте 184 әлеуетті донор анықталды, жүйе жұмыс істейді, бірақ қоғамның сенімі мен хабардарлығы әлі де жұмыстарды қажет ететін мәселе болып отыр.

"Бүгінгі таңда күту парағында балаларды қосқанда 4506 пациент бар. Бір ғана 2025 жылы донорлық ағзалардың болмауына байланысты 342 адам трансплантаттауды күте алмай, көз жұмды", - деп жазылған хабарламада.

Сонымен қатар осы жыл ішінде кадрларды даярлау күшейтілген. Нәтижесінде транспланттауды үйлестіру бойынша 168 маман үшін сертификаттау курсы енгізіліп, 42 дәрігер шетелде оқудан өтті.

Медициналық көмек стандарттары жаңартылды, заңнаманы өзгерту бойынша ұсыныстар дайындалды, дейді ведомствода.