Қазақстанда есептеу құралдарының көрсеткішін автоматты түрде беру үшін жасанды интеллекті енгізу жоспарланып жатыр

Энергетика министрлігі «электрондық үкімет» мобильді қосымшасы арқылы есептеу құралдарының көрсеткіштерін беру үшін жасанды интеллект технологияларын пайдалануды көздейтін пилоттық жобаны дайындау туралы хабарлады.

Бастама аясында жасанды интеллект есептеуіш құралдарынан деректерді автоматты түрде оқып, жібереді, бұл:

халық үшін көрсеткіштерді беру процесін жеделдетуге және жеңілдетуге;  газ бөлу ұйымдарының операциялық шығындарын азайтуға;  тұтынушылармен есеп айырысудың дәлдігі мен ашықтығын арттыруға;  цифрландыру және инновациялық технологияларды енгізу бойынша мемлекеттік міндеттерді орындауды қолдауға мүмкіндік береді. 

Жоба 2025 жылдың 15 желтоқсанына дейін көпшілік талқылау сатысында, содан кейін Энергетика министрлігі пилоттық жобаны іске қосу мерзімін анықтауды жоспарлап отыр.

Бүгін, 10:10