Қазақстанда шағын және орта бизнес үлесі 40,9% ға дейін ұлғайды

Инфографиканы жасаған Амангелді Қияс, «ЕQ»

Оның айтуынша, 2026 жылдың бірінші жартыжылдығының қорытындысы бойынша елімізде кәсіпкерлік субъектілерінің жалпы саны 2,9 миллионға жеткен. Сонымен қатар өзін-өзі жұмыспен қамтығандар саны 688 597 субъектіні құраған. Ал жеке кәсіпкерлер мен өзін-өзі жұмыспен қамтығандардың жиынтық саны 1,9 миллионнан 2,3 миллионға дейін артқан.

«Шағын және орта кәсіпкерліктің ішкі жалпы өнімдегі үлесі 2021 жылдан бері тұрақты өсіп, 33,5%-дан 2025 жылдың қорытындысы бойынша 40,9%-ға дейін ұлғайды. Жеке кәсіпкерлердің өзін-өзі жұмыспен қамтығандар санатына ауысуына қарамастан, экономикадағы бір жұмысшыға шаққандағы жалпы қосылған құнның оң өсуі сақталып отыр. Тау-кен өндіру өнеркәсібінде 2,9%-ға, құрылыс және ауыл шаруашылығында 2,5%-ға, ақпарат және байланыс саласында 2,4%-ға өсім тіркелді. Сондай-ақ жылжымайтын мүлікпен жасалатын операциялар саласында орта заңды тұлғалар саны 5,8%-ға, қаржы және сақтандыру саласында 3,2%-ға, өзге де қызмет көрсету саласында 3,1%-ға артты. Тіркелген шағын және орта кәсіпкерлік субъектілерінің 60%-дан астамы сауда, ауыл шаруашылығы және өзге де қызмет көрсету салаларында шоғырланған», деді Серік Жұманғарин.

Төрт жылда шағын және орта бизнестің саны 2,2 миллионға дейін өсті

Бұған дейін Серік Жұманғарин мұнай өндірісі ақсамағанда, еліміздің ІЖӨ өсімі 6%-дан асатындығын айтқан еді. Айта кетейік, қаңтар айында Теңіз кен орнында болған апаттық жағдай және Каспий құбыр консорциумы жұмысына байланысты қиындықтар Қазақстанның мұнай өндіру жоспарына әсер етті. Соның нәтижесінде 2026 жылға арналған мұнай өндіру көлемі 100,5 млн тоннадан 96-98 млн тоннаға дейін төмендеген болатын.