​Қазақстанда зейнетақы есебінен офтальмологиялық қызметтерге төлем жасау үшін өтінім қабылдау тоқтатылды

2025 жылдың 4 желтоқсанынан бастап, «Отбасы банк» АҚ біржолғы зейнетақы төлемдері есебінен офтальмологиялық қызметтерді төлеуге арналған өтінімдерді қабылдауды тоқтатты. Бұл туралы «Бәйтерек» холдингінің еншілес ұйымы хабарлады.

Өтінім қабылдаудың тоқтатылуы Денсаулық сақтау министрлігінің БЖЗҚ емделуге пайдалану ережелеріне енгізген өзгерістеріне байланысты. Жаңа ережелерге сәйкес, зейнетақы қаражатын стоматологияға да, офтальмологияға да пайдалануға рұқсат берілмейді.

Қазіргі уақытта банкте «офтальмология» бағыты бойынша жалпы сомасы 13,3 млрд теңге болатын 15808 өтінім бар. Оның ішінде 5131 өтінім бойынша банк мамандары құжаттарды тексеріп жатыр, ал 10677 өтінім бойынша клиенттерден қосымша құжат сұралуда.

Азаматтар БЖЗҚ артық қаражатты әлі де маңызды және қымбат ем түрлеріне пайдалана алады, атап айтқанда:

- Орфандық (сирек) ауруларды емдеу

- Реконструктивтік және қалпына келтіру операциялары

- Радионуклидті және радио-йод терапия

- Радиохирургиялық ем

- Протондық терапия.

Бүгін, 11:05