Қазақстандағы дәрігерлерге арналған жасанды интеллект жүйе медициналық карталарды өзі толтырып, кезекті қысқартады

Қазақстанда алғашқы қабылдау картасын және басқа да медициналық құжаттама бөлімдерін автоматты түрде толтыратын жасанды интеллект негізіндегі жүйе құру жоспарланып отыр. Үкімет отырысында стартап таныстырылды, - деп хабарлайды TengriHealth.

Қазақстанда алғашқы қабылдау картасын және басқа да медициналық құжаттама бөлімдерін автоматты түрде толтыратын жасанды интеллект негізіндегі жүйе құру жоспарланып отыр. Үкімет отырысында стартап таныстырылды, - деп хабарлайды TengriHealth.

Әзірлеушілердің айтуынша, бүгінде ірі қалалардағы дәрігерлер қабылдау уақытының 40 пайыздан астамын құжат толтыруға жұмсайды. Сонымен қатар, бейінді мамандарға кезек күту уақыты жеті күннен асып кетуі мүмкін.

Жоба авторлары сөзінше, дәрігерлердің жетіспеушілігі мен жоғары жүктеме олардың жұмыс қабілетін төмендетеді. Бұл маманның кәсіби жалығуына әкеліп, ем тағайындау кезінде қателік жіберу қаупін арттырады. Сонымен қатар, бұл факторлар пациентпен тілдесу уақытын қысқартып, қабылдау тиімділігін төмендетеді және ауруды кеш анықтау мен асқынуларға соқтыруы мүмкін, дейді әзірлеушілер.

Жоба жетекшісі Сұлтан Жұмабаев команданың дәрігер мен пациент арасындағы сөйлесуді жазып алып, дауысты танитын және оны құрылымдалған медициналық деректерге түрлендіретін жүйе жасағанын хабарлады. Содан кейін жүйе алынған ақпаратты медициналық картаға, оның ішінде негізгі бөлімдерге автоматты түрде енгізеді.

"Осыдан кейін алынған ақпараттың контексіне, шағымдар мен анамнезге сүйене отырып, алдын ала диагноз қояды, хаттамаларға сәйкес оңтайлы емдеу жолдары мен тағайындауларды ұсынады", - деді ол.

Жұмабаевтың айтуынша, жүйе құжаттама жүргізу уақытын 50 пайызға қысқартады, бұл дәрігерге науқасқа көбірек көңіл бөлуге және клиникаға көбірек пациент қабылдауға мүмкіндік береді.

ОБСУЖДАЕТСЯ СЕЙЧАС

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Команда мәліметінше, жүйе еліміздің төрт өңіріндегі 38 клиникада сынақтан өткен. Қазіргі уақтытта оны мемлекеттік және жекеменшік медициналық мекемелерде 52 дәрігер қолданып отыр.

"Орта есеппен дәрігердің алты сағаттық жұмыс күнінен 30 минутты үнемдедік. Жүйе пациенттің ауру тарихын ескереді және нақты жағдайға байланысты ем таңдайды. Дегенмен, соңғы шешімді әрқашан дәрігер қабылдайды", - деді Сұлтан Жұмабаев.

Жобаны дамыту аясында команда Денсаулық сақтау министрлігінен пациенттердің нақты медициналық деректерін анонимді түрде беруді сұрайды. Бұл жерде аты-жөні, ЖСН, байланыс мәліметтері және пациентті анықтауға болатын басқа да ақпараттарсыз жазбалар туралы сөз болып отыр.

Google News арқылы жаңалықтарымызды қадағалаңыз

Денсаулық

дәрігер

науқастар

қабылдау

кезек