Қазақстандағы орташа жалақы мөлшері аталды

Ұлттық статистика бюросы Қазақстандағы медианалық және орташа айлық жалақы мөлшері туралы деректерді жариялады, деп хабарлайды Tengrinews.kz.

Қазақстандағы (кәсіпкерлікпен айналысатын шағын кәсіпорындарды есепке алмағанда) орташа айлық номиналды жалақы 2026 жылдың II тоқсанында 486 388 теңгені құрады. Бір тоқсан ішінде орташа жалақының 5,4 пайызға өскені атап өтілді.

Ең жоғары орташа жалақы Маңғыстау облысында - 673 656 теңге, Астанада - 647 920 теңге, сондай-ақ Атырау облысында - 631 555 теңге.

Алматыда орташа жалақы 610 371 теңге, ал Шымкентте - 377 710 теңге.

Ең төменгі көрсеткіштер Жетісу (377 798 теңге), Жамбыл (375 456 теңге), Түркістан (370 964 теңге) және Солтүстік Қазақстан (363 123 теңге) облыстарында тіркелді.

2026 жылдың II тоқсанында Қазақстан бойынша жалақының медианалық мәні (жалақы қатарының орталық деңгейі) 348 415 теңгені.

Еске сала кетейік, 2025 жылдың IV тоқсанында Қазақстан бойынша орташа жалақы 473 158 теңгені, ал медианалық жалақы 339 912 теңгені құрады.

Google News арқылы жаңалықтарымызды қадағалаңыз