Синоптиктер райынан қайтты: Алматыда қар жаумайды, ал Астанада жаңбыр күтіледі

Синоптиктер демалыс күндеріне арналған болжамды нақтылады: Алматыда жаңбыр да, қар да жаумайды, ал Астанада дүйсенбі, 26 қазан күні өткінші жаңбыр күтіледі. "Қазгидромет" екі қала бойынша 24-26 қазанға арналған ауа райы болжамын түзетті, деп хабарлайды Tengrinews.kz.

Алматыға арналған болжамда не өзгерді?

Бұған дейін синоптиктер 24 қазанда Алматыда жаңбыр мен қар жауып, тұман түседі деп болжаған болатын. Жаңартылған мәліметке сәйкес, сенбіде Алматыда күн райы құбылмалы болады, жауын-шашын күтілмейді. Түнде -2…-4 градусқа дейін үсік жүріп, күндіз ауа температурасы +4…+6 градусқа дейін жылынады. Солтүстік-шығыстан соғатын желдің жылдамдығы секундына 3–8 метрге жетеді.

Жексенбі күні, 25 қазанда жауын-шашын күтілмейді. Түнде температура -5…-7 градусқа дейін төмендеп, күндіз +5…+7 градус болады. Солтүстік-шығыс желінің жылдамдығы - 3–8 м/с.

Дүйсенбі, 26 қазан күні Алматыда құрғақ ауа райы сақталады. Түнде -3…-5 градус, күндіз +8…+10 градус болады деп болжануда. Шығыстан соғатын желдің жылдамдығы - 3–8 м/с.

Астанада 24 қазанда күн райы құбылмалы болып, жауын-шашынсыз өтеді. Түнде температура -5…-7 градус, күндіз +2…+4 градус болады. Оңтүстік-батыстан соғатын желдің жылдамдығы түнде 2–7 м/с, күндіз 5–10 м/с жетеді.

Жексенбі күні, 25 қазанда жауын-шашын болжанбайды. Түнде -3…-5 градус, күндіз +6…+8 градус жылы болады. Оңтүстік-батыс желінің жылдамдығы - 7–12 м/с.

Дүйсенбі, 26 қазан күні елордада күндіз өткінші жаңбыр күтіледі. Түнде ауа температурасы -1…-3 градус, күндіз +6…+8 градус болады. Батыстан соғатын желдің жылдамдығы - 7–12 м/с.

Бұған дейін синоптиктер 24–26 қазан аралығында Қазақстанда температураның күрт ауытқуы болатынын ескерткен еді. Елдің шығысы мен оңтүстік-шығысында қар жауып, боран соғады, ал шығыстағы таулы аймақтарда түнде температура -18 градусқа дейін төмендеуі мүмкін. Сонымен қатар еліміздің батысында күндіз ауа температурасы +18 градусқа дейін көтеріледі. Толық болжамды осы жерден оқыңыз.

Бізді Google-дың негізгі дереккөздер тізіміне қосыңыз