Қазақстандағы қуаңшылық: тамыз айында қай өңірлер қауіпті аймақта болады

2026 жылдың тамыз айында Қазақстанның бірқатар ауданында атмосфералық құрғақшылық болады деп күтіледі. Болжамды "Қазгидромет" синоптиктері хабарлады, деп жазады Tengrinews.kz.

Құрғақшылық қай жерлерде болады?

Нақтыланған болжамға сәйкес, Қазақстанның жеті облысының жекелеген аудандарында атмосфералық құрғақшылық болады деп болжанып отыр.

Атап айтқанда, Батыс Қазақстан облысының Бөкей ордасы мен Жәнібек аудандарында қуаңшылық болады деп болжанған.

Ақтөбе облысында - Шалқар және Ырғыз аудандарында, Атырау облысында - Құрманғазы ауданында.

Сондай-ақ атмосфералық құрғақшылық келесі өңірлерде болады деп күтіледі.

Алматы облысының Балқаш ауданында; Жамбыл облысының Мойынқұм, Қордай, Сарысу, Талас және Жамбыл аудандарында; Түркістан облысының Арыс, Созақ, Қазығұрт, Ордабасы, Шардара, Жетісай, Бәйдібек және Келес аудандарында; Қызылорда облысының Қазалы, Қармақшы және Шиелі аудандарында, сондай-ақ Қызылорда қаласында.

"Солтүстік Қазақстан облысының Тимирязев ауданында және Қостанай облысының Ұзынкөл ауданында ылғалдылық деңгейі қалыпты болады деп болжанады. Елдің қалған аумағында ылғалдану жағдайы нормаға жуық болады деп күтіледі", - деді синоптиктер.

Атмосфералық құрғақшылық нені білдіреді?

Атмосфералық құрғақшылық жауын-шашынның ұзақ уақыт тапшылығы, ауа температурасының жоғарылауы және ылғалдылықтың төмендеуі кезінде туындайды. Мұндай жағдайлар ауыл шаруашылығы дақылдарына, жайылымдарға және өнімділікке теріс әсер етуі мүмкін.

Google News арқылы жаңалықтарымызды қадағалаңыз

Жазылу