Қазақстандық ғалым білім беру саласындағы жаһандық сыйлықтың лауреаты атанды

Qazaq24.com, Inform.KZ дереккөзінен алынған ақпаратқа сүйене отырып жаңалық таратады..

Ол бұл марапатқа ие болған және Қазақстаннан ғана емес, жалпы посткеңестік кеңістіктен шыққан алғашқы өкіл болып отыр. 2026 жылы аталған сыйлық әлем бойынша небәрі екі зерттеушіге берілген.

Әсел Шаримова университеттің Жоғары білім беру мектебінде бес жылдан бері постдокторант ретінде жұмыс істеп келеді. Білім беру саласы бойынша докторлық дәрежені (PhD) Кембридж университетінде алған. Бұған дейін Назарбаев Зияткерлік мектептері жүйесінде еңбек етіп, білім беру бағдарламаларын әзірлеу және халықаралық ынтымақтастықты дамыту бағытында жұмыс істеген.

— Менің зерттеуім мұғалімдердің виртуалды кәсіби қауымдастықтар аясында кәсіби капиталды қалай қалыптастырып, оны қалай тиімді пайдаланатынына арналды. Зерттеуде Қазақстанға ерекше назар аударылды. Педагогтердің біліктілігін арттыру саласындағы тәжірибеме сүйене отырып, бірлескен оқытудың ресми бағдарламалар шеңберінен қалай шығатынына қызығушылық таныттым. Әсіресе, кәсіби қолжетімділік әркелкі болатын реформалар жағдайында әлеуметтік желілердің бейресми оқытуға қалай ықпал ететінін зерделедім. Сонымен қатар бұл тәсілдерді оқыту үдерісіне енгізіп, мұғалімдер мен зерттеушілер арасында кәсіби қауымдастықтарды дамытуға қолдау көрсетіп келемін, — деді Әсел Шаримова.

Майкл Фуллан атындағы жас ғалымдар сыйлығы білім беру саласындағы маңызды халықаралық марапаттардың бірі саналады. Оны Journal of Professional Capital and Community журналы кәсіби капитал мен білім беру қауымдастықтарын дамытуға арналған зерттеулер үшін табыстайды. Лауреаттарды іріктеу кезінде ғылыми жаңашылдығы, практикалық маңызы және білім беру жүйесіне әсері ескеріледі. Жеңімпаздарға ақшалай сыйақы беріліп, халықаралық академиялық ортада мойындалады.

— Бұл көрнекті зерттеушілер әртүрлі контексте кәсіби капиталды дамытуға бағытталған алдыңғы қатарлы ғылыми еңбектерді ұсынып отыр. Олардың жұмыстары аталған ұғымды теориялық және қолданбалы тұрғыда кеңейтіп, дамытуға ықпал етеді. Кәсіби капитал мен кәсіби қауымдастықтарды зерттеудің болашағы сенімді қолда, — деп атап өтті Journal of Professional Capital and Community басылымы.

Бұған дейін Қарағандылық оқушының SAT халықаралық емтиханында Қазақстан рекордын жаңартқаны туралы жаздық.

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.