Қазақстандықтарға Дубайға қажеттіліксіз бармауға кеңес берілді

Біріккен Араб Әмірліктеріне және Таяу Шығыстың өзге де елдеріне қазір баруға бола ма? Бұл сұраққа Сыртқы істер министрлігінің ресми өкілі Ерлан Жетібаев жауап берді, деп хабарлайды Tengri Travel.

Біріккен Араб Әмірліктеріне және Таяу Шығыстың өзге де елдеріне қазір баруға бола ма? Бұл сұраққа Сыртқы істер министрлігінің ресми өкілі Ерлан Жетібаев жауап берді, деп хабарлайды Tengri Travel.

Брифинг барысында Жетібаевтан әуе рейстері қайта жанданғаннан кейін қазақстандықтардың Дубайға сапарларын жоспарлауына бола ма деп сұралды.

"Біз осы өңірдегі бейбітшілік пен қауіпсіздікті қамтамасыз етуге септігін тигізетін өзара қолайлы шешімдерге тезірек қол жеткізіледі деп үміттенеміз. Сонымен қатар жағдай толық тұрақталғанға дейін сақтық танытқан жөн деп санаймыз. Осыған байланысты азаматтарға мүмкіндігінше өңір елдеріне аса қажеттілігі жоқ сапарлардан бас тартуды ұсынамыз", - деп жауап берді СІМ ресми өкілі.

Осылайша, БАӘ-ге баруға тікелей тыйым салынбаған, алайда қазақстандықтарға әзірге қажеттілік болмаса, ол жаққа ұшпауға кеңес беріледі.

Ведомство өкілі сондай-ақ қазақстандықтарды сапарларын жоспарлауға мұқият қарауға және баратын елдегі ағымдағы жағдайды ескеруге шақырды.

Жетібаев СІМ шектеулер, визалық талаптар мен көші-қон ережелерінің өзгеруі туралы өзекті ақпаратты өзінің ресми ресурстарында жариялайтынын еске салды.

Бұған дейін Air Astana БАӘ-ге рейстерді кезең-кезеңімен қайта бастайтынын хабарлаған болатын. Алматыдан Дубайға ұшатын рейстер 20 маусымнан, ал Астанадан 10 шілдеден бастап жандануы тиіс еді. Әуе компаниясы Таяу Шығыстағы жағдайға байланысты кестеге түзетулер енгізілуі мүмкін екенін ескертті.

Маусым айында СІМ қазақстандықтарға жағдайы тұрақсыз бірқатар мемлекеттерге барудан тартынуға кеңес берілетінін еске салды. Ведомство жариялаған тізімге БАӘ, Катар, Бахрейн, Израиль, Иордания, Ирак, Иран, Кувейт, Ливан, Оман, Сауд Арабиясы, Сирия және Йемен кірген болатын.

Google News арқылы жаңалықтарымызды қадағалаңыз