Қазақстанның ЖИ саласында әлеуеті зор

Қазақстанның жасанды интеллект саласындағы әлеуеті зор.

Себебі басты ресурс - қуат көзі мен сирек минералдар елде жетіп артылады”. Бұл АҚШ мемлекеттік хатшысының энергетика және ресурстар бойынша бұрынғы кеңесшісі, дипломат Джеффри Пайеттің пікірі. Джо Байден мен Дональд Трамп президенттігі кезінде АҚШ пен Орталық Азия арасындағы ынтымақтастықтың берік болуына күш салған сарапшы қазіргі таңда энергетика мен сирек минералдар бойынша Вашингтонға тың жол табуға көмектесіп жүр. Ал Қазақстанмен байланысы сонау ғасырлар тоғысында қалыптасқан маман осы бағытта еліміздің таптырмас серіктес екенін тілге тиек етті. Қазақстанда экономикасының қозғаушы күшіне айналатын басты тетіктердің барлығы бар екенін алға тартты.

Джеффри Пайетт, дипломат, MCLARTY Associates компаниясының энергетика және сирек минералдар бойынша атқарушы директоры

- Нью-Йоркте БҰҰ Бас Ассамблеясында Президент Тоқаевтың сөзінен оның цифрлық сектор мен жасанды интеллект саласындағы мүмкіндіктерге айрықша мән беріп отырғанын анық байқадық. Ол америкалық гиперскейлерлермен және клауд қызметін көрсетуші компаниялармен серіктестіктің маңызын атап өтті. Бұл бағыт Қазақстан үшін және оның болашағы үшін зор мүмкіндік екенін айтты. Қазақстанның жаһандық энергетика нарығындағы айтарлықтай ролін ескерсек, ал энергия жасанды интеллект дәуірінің басты ресурстарының бірі екенін түсінсек, АҚШ пен Қазақстан арасындағы жоғары технологиялар саласындағы ынтымақтастық одан әрі нығая түсетініне сенімім мол. Америка Құрама Штаттары Қазақстанның ең сенімді әрі маңызды халықаралық серіктесі болып қала береді деген үміттемін.