Қостанай облысында 30 дан астам адамды құтырған жануарлар тістеп алған

Шақырулардың басым бөлігі үй жануарларының шабуылына байланысты болады. Былтыр 2223 жағдай тіркелсе, биыл көрсеткіш 2907-ге жеткен.

Оның ішінде 1913 адамды ит қапқан. Былтыр бұл көрсеткіш 1582 болатын. Сондай-ақ 976 адам (2024 жылы 641) мысықтан, 18 адам үйдегі малдан зардап шеккен. Тышқан, қасқыр, түлкі, қарсақ және басқа да жабайы жануарлардан 151 адам зардап шекті, — деді Қостанай облысы бойынша мемлекеттік экологиялық бақылау департаменті басшысының орынбасары Гүлім Досымова.

Сонымен қатар, белгісіз жануарлардың 1443 тістеу оқиғасы тіркелді. Оның ішінде мыңнан астам ит қабу және 400-ден астам мысық шабуылы бар.

Мамандарды адамның ең нәзік жерлерінен жарақаттанып, жедел жәрдем шақыруларының көбеюі ерекше алаңдатады. Тоғыз айда 1300-ден астам адам басы, беті, мойны мен қолынан жарақат алған.

Соңғы расталған құтыру оқиғасы 2025 жылдың маусымында Лисаковск қаласында тіркелген. Жәбірленуші оқыс оқиғадан кейін медициналық көмекке жүгінбеген, профилактикалық екпе алмаған.