Қостанай облысында бекіре тұқымдас балықтарды өсіру екі есе артады

АСТАНА, 30 қазан – Sputnik. Қостанай облысында 2024 жылдан бері "Қостанай осетр" ЖШС табысты жұмыс істеп келеді.

Ауыл шаруашылығы министрлігінің хабарлауынша, жобаны іске асыруға 200 миллион теңгеден астам инвестиция бағытталды. Кәсіпорын іске қосылған кезден бастап балық өсірудің заманауи технологияларын және өндірістік үдерістерді цифрлық бақылау жүйелерін белсенді түрде енгізіп келеді.

"Шаруашылықта ішкі және сыртқы нарықта жоғары сұранысқа ие бекіре тұқымдас балықтардың бірнеше түрі өсіріледі. Алдағы уақытта өндірістік қуатты жылына 20 тоннадан 50 тоннаға дейін арттыру жоспарланып отыр", - деп жазылған хабарламада.

Кәсіпорын экологиялық тұрғыдан таза технологиялар негізінде жұмыс істейді.

Ведомство хабарлауынша, Өндірісте су ресурстарын үнемдеп пайдалану мен балықтың өсуіне қолайлы жағдай жасауды қамтамасыз ететін тұйық су айналымы жүйесі қолданылады. Мұндай тәсіл қоршаған ортаға әсерді барынша азайтып, дайын өнімнің жоғары сапасын қамтамасыз етеді.