Құрылтай отандық ғылымды дамытады

Ұлттық құрылтайда ұсынылған институционалдық реформалар елдегі ғылыми жүйені ұзақ мерзімді дамытуды көздейді.

Бұл бастамалар ғылыми бәсекелестікті күшейтіп, отандық ғылымның халықаралық деңгейдегі орны мен ықпалын арттыруға мүмкіндік береді. Анкарада еңбек етіп жүрген қазақ ғалымы Гүлжанат Құрманғалиева осындай пікірде. Оның айтуынша, конституциялық комиссия құрамына ғалымдардың енгізілуі де ғылымның мемлекеттік басқару жүйесіндегі рөлін күшейтіп, саланың салмағын арттыра түседі. Ал қабылданған ұсыныстар елдің қарқынды дамуы мен зияткерлік әлеуетін нығайтады.

Гүлжанат Құрманғалиева, Анкара Қажы Байрам Вели университетінің профессоры:

- Қазір «Еститін Үкімет», «Еститін Мемлекет» деген сияқты концепциялар бар ғой, сол сияқты бұл жерде де қоғамдағы болып жатқан мәселелер мен мемлекет арасындағы байланыстың жақсы жолға қойылғанын көруге болады. Сондай-ақ өзім университетте жұмыс істейтін ұстаз ретінде, ғалым ретінде мен ғылым саласындағы реформаларды ерекше үлкен қызығушылықпен, ықыласпен қарап шықтым.