Қырғызстан Ресеймен 2026 жылдың соңына дейін жанармай жеткізу туралы келісті

Ресей Қырғызстанға ай сайын 100 мың тоннадан жанар-жағармай материалдарын (ЖЖМ) жеткізіп тұрады.

Бұл туралы ТАСС агенттігіне республика үкіметінен хабарлады. Келісім 2026 жылдың соңына дейін қолданылады.

Ресейлік отынды жеткізу биржа бағасы бойынша жүзеге асырылады. Келісілген көлемге ЖЖМ-ның дәл қай түрлері кіретіні нақтыланбаған.

Ресей Қырғызстанға отын жеткізетін негізгі ел болып қала береді. Республика импорттайтын бензин, дизель отыны және авиация керосинінің шамамен 90–95%-ы осы елге тиесілі.

Үкіметаралық келісімге сәйкес, Ресейден Қырғызстанға ЖЖМ жеткізудің жылдық көлемі 1,2 млн тоннаны құрайды. Жаңа айлық көрсеткіш бұл көлемді жылға шаққандағы деңгейге толық сәйкес келеді.

Бұған дейін Қырғызстанда Аи-95 және Аи-98 маркалы бензин тапшылығы орын алған еді.

Сондай-ақ Қырғызстан отын жеткізу мәселесі бойыншаҚазақстанға да өтініш білдірген болатын.

Бүгін, 17:23