Қырғызстан ҰҚМК нің экс басшысы Ташиевтің жауап алу видеосы желіде пайда болды

Желіде Қырғызстан ҰҚМК-нің бұрынғы басшысы Қамшыбек Тәшиевтің тергеу кезіндегі видеосы пайда болды, деп хабарлайды Tengrinews.kz тілшісі.

Желіде Қырғызстан ҰҚМК-нің бұрынғы басшысы Қамшыбек Тәшиевтің тергеу кезіндегі видеосы пайда болды, деп хабарлайды Tengrinews.kz тілшісі.

Қырғызстандық БАҚ атышулы "75-тің ісі" бойынша айыпталушыларды тергеу видеоларын жариялады, олардың бірі – Қырғызстан ҰҚМК-нің бұрынғы төрағасы Қамшыбек Тәшиев.

24.kg агенттігінің хабарлауынша, видеолардың бірінде Қамшыбек Ташиев "75-тің хаты" деп аталатын құжаттың қалай пайда болғаны туралы айтып береді. Тергеу кезінде ҰҚМК-нің бұрынғы басшысы "енді шара қолдана бастайтынын" мәлімдеген.

"Мен де Ауыл шаруашылығы министрлігінде жұмыс істеген жоқпын", - дейді ол видеода. Сонымен қатар арнайы қызметтің бұрынғы жетекшісі қазіргі тыныштықтың "алдамшы" екенін және қажет болған жағдайда оны қолдап мыңдаған жақтасы шыға алатынын айтады: "Тіпті 1 мың адамды тұтқындаса да, митингіде тағы 9 мың адам қалады".

Бұл ретте Қырғызстан БАҚ-тары видеоматериалдардың түпнұсқа екендігі туралы ресми растау әлі түспегенін атап өтті. Сондай-ақ бұл жазбалардың тергеу амалдары кезінде немесе өзге де процестік шаралар аясында жасалғаны белгісіз.

Еске сала кетейік, "75-тің ісі" бойынша ҰҚМК-нің бұрынғы басшысы, экс-бас прокурор, Жогорку Кенештің бұрынғы спикері және тағы бірқатар қайраткер тергеліп жатыр. Фигуранттарға билікті күшпен басып алуға дайындалды деген айып тағылса, Қамшыбек Тәшиевке қосымша лауазымдық өкілеттігін асыра пайдаланды деген айып тағылған.

МҰҚК экс-басшысы Қамшыбек Тәшиев көпшілік алдына шығып, Жапаровты мақтады

Биыл 10 ақпанда президент Садыр Жапаров өзінің досы әрі серіктесі Қамшыбек Тәшиевті барлық қызметінен босатқан болатын. Қырғызстан басшысы баспасөз қызметінің мәліметінше, "бұл қадамның басты мақсаты – мемлекет бірлігін нығайту және қоғамда, соның ішінде мемлекеттік құрылымдар арасында іріткі тудыруға жол бермеу".

Жапаровтың баспасөз хатшысы бұған дейін хабарлағандай, Тәшиевтің айналасындағы адамдар депутаттарға қоңырау шалып, оларды "генералдың жағына шығуға" және "жаңа президент сайлауын бастауға" үгіттеген көрінеді.