Қырғызстандағы парламенттік сайлау: халықаралық бақылаушылар аккредиттелді

Қырғызстан Республикасы Орталық сайлау комиссиясының мәліметі бойынша, аккредиттелген бақылаушылар қатарында Тәуелсіз Мемлекеттер Достастығының бақылаушылар миссиясының сегіз өкілі, ТМД Парламентаралық Ассамблеясының 17 өкілі, Беларусь Республикасының Қырғыз Республикасындағы елшілігінің екі қызметкері және Ресей Федерациясының Қырғыз Республикасындағы елшілігінің екі қызметкері бар. Аккредиттелген халықаралық бақылаушыларға стандартты жеке куәліктер беріледі.

Бұған дейін үш саяси партияның — «Кырк Ууз», «Легалайз» және «Ынтымақ» көп мандатты сайлау округінде кезектен тыс парламенттік сайлауға қатысуға өтініш бергені хабарланған болатын. Кейінірек «Кырк Ууз» саяси партиясы парламенттік сайлаудан бас тартты.

Айта кетейік, 2025 жылдың қыркүйегінде Қырғызстан Республикасының Жогорку Кенеші (Парламент) депутаттарының бастамашыл тобы парламентті өзін-өзі таратуды, содан кейін кезектен тыс сайлау өткізуді талап етті. 25 қыркүйекте парламент мерзімінен бұрын өзін-өзі тарату туралы қаулы қабылдады.

Қырғыз Республикасы Президентінің 30 қыркүйектегі жарлығымен Жогорку Кенеші депутаттарының мерзімінен бұрын сайлауы 2025 жылдың 30 қарашасы, жексенбі күні өткізілетіні бекітілді.

Қырғызстан Президенті Садыр Жапаров халыққа жолдауында парламент сайлауын жеке бақылауына алатынын мәлімдеді.

1 қазандағы жағдай бойынша елде 4 287 000 сайлаушы тіркелген және алдағы Жогорку Кенеші сайлауына қатысуға құқылы. Елде 10 және 20 қазанда жаңа дауыс беру жүйесі сынақтан өтті.

Біз бұған дейін 2025 жылдың маусым айында елде 30 көп мандатты аумақтық сайлау округін құру туралы конституциялық заң қабылданғанын хабарлаған болатынбыз, олардың әрқайсысы Қырғызстан Парламентіне үш депутат сайлайды.