Қытай мен АҚШ арасындағы саудаға салынған қосымша баж салығының мерзімі ұзарды

Қытайдың Мемлекеттік Кеңес жанындағы Кеден баждары комитетінің хабарлауынша, бұл шешім 2025 жылғы 10 қараша, сағат 13:01-де күшіне енеді.

Комитет бұл қадамды Қытай мен АҚШ арасындағы сауда-экономикалық келіссөздер аясында қол жеткізілген келісімдерді орындау үшін жасалғанын атап өтті.

— Қосымша баж салығының бір бөлігін тоқтату екіжақты сауда-экономикалық қатынастардың дені сау, тұрақты және ұзақ мерзімді дамуына ықпал етеді, екі ел халқы үшін пайда әкеледі және жаһандық өркендеуге үлес қосады, — деп хабарлады комитет.

Сонымен қатар, көрсетілген күннен бастап Қытай наурыз айында АҚШ-тан алынатын кейбір тауарларға енгізген қосымша баж салығын да тоқтатады. Наурыздағы хабарламаға сәйкес, 15% баж салығы тауық еті, бидай, жүгері және мақта импорттарына, ал 10% — сорго, соя, шошқа еті, сиыр еті, теңіз өнімдері, жемістер, көкөністер және сүт өнімдеріне қолданылған.

Комитет атап өткендей, қосымша баж салығының бір бөлігін алып тастау Қытай мен АҚШ-тың негізгі мүдделеріне сай келеді, халықаралық қоғамдастық күткен үміттерді қанағаттандырады және екіжақты экономикалық қатынастарды жаңа деңгейге көтеруге мүмкіндік береді.

Естеріңізге сала кетейік, бұған дейін Куала-Лампурда Қытай мен АҚШ қандай келісім жасағанын жазған болатынбыз.