​Қытай теміржолшылары Қазақстанда жұмыс істейді

Қазақстан мен Қытай шекарасындағы теміржол өткелдерінің жұмыс тиімділігін арттыру мақсатында «Қазақстан темір жолы» ұлттық компаниясы мен Қытай темір жолдары бірлескен комиссия отырысы барысында өзара ауысымдық қызметкерлердің шекаралық станцияларға кіру тәртібі жөнінде келісімге келді, деп хабарлайды ҚТЖ баспасөз қызметі.

Компания мәліметінше, Достық және Алтынкөл станцияларында Қытай ауысымдық қызметкерлеріне арналған ғимараттарды жөндеу және жаңғырту жұмыстары аяқталған. Енді олардың қауіпсіздігі мен тұрмыс жағдайына барлық қажетті жағдай жасалған.

Жаңа келісім шекара маңындағы станциялардың өткізу қабілетін арттыруға, әкімшілік рәсімдерді жеңілдетуге және жүк құжаттарын рәсімдеу процесін жеделдетуге мүмкіндік береді.

ҚТЖ мәліметінше, екі елдің теміржол қызметкерлерінің көршілес станцияларға өзара баруы 2025 жылдың желтоқсанында басталады.

Бүгін, 10:44