Қытай жел энергиясымен жұмыс істейтін суасты деректер орталығын салды

Нысан Шанхай пилоттық еркін сауда аймағының Линьган жаңа ауданында орналасқан.

Жергілікті әкімшіліктің мәліметінше, орнатылған қуаты 24 МВт болатын жобаға салынған инвестицияның жалпы көлемі 1,6 млрд юаньді (шамамен 226 млн доллар) құрады.

Су астындағы деректер орталығы қуатының 95%-дан астамы жаңартылатын көздерден алынады. Дәстүрлі жердегі дата-орталықтармен салыстырғанда жаңа қондырғы қуат тұтынуды 22,8%-ға азайтуға мүмкіндік береді. Сонымен қатар судағы және жердегі ресурстардың пайдаланылуын сәйкесінше 100%-ға және 90%-ға қысқартады. 

Линьган ауданының үкіметі атап өткендей, су асты орталығының пайдалануға берілуі – теңіздегі жаңартылатын энергия көздері мен деректер орталықтарын біріктіру әлеуетін көрсететін технологиялық жетістік.

Бұған дейін Қазақстан Google Cloud жаһандық желісіндегі өңірлік хабқа айналатынын жазған болатынбыз.