Қытайда гуманоид роботтардың көлемі артады

Қытай компаниясы Unitree Robotics адамға ұқсас роботтарының жаңа Жыл мейрамына арналған гала-концерттегі көрінісі арқылы халықаралық танымалдыққа ие болып, жеткізілім көлемін едәуір көбейтуді және гуманоидтық робототехника сегментіндегі көшбасшылық позициясын нығайтуды көздеп отыр.

Unitree Robotics бас директоры Ван Синсин биыл компания адамға ұқсас 20 мың робот жеткізуді жоспарлап отырғанын атап өтті. Бұл 2025 жылмен салыстырғанда 5,5 мыңға көп.

Ханчжоуда әзірленген роботтар күрделі жауынгерлік өнер элементтерін, батутта секіріп, сальто айналып, жылдам жүгіре алады, бұл соңғы 12 айдағы технологиялық жетістікті көрсетеді.

Кейбір элементтер, соның ішінде G1 моделі роботтарының кунг-фу көрсетілімдері толық автономды режимде орындалған. Сонымен қатар H2 адамға ұқсас робот пен B2-W робот-иттер де пайдаланылды. Батуттағы максималды секіру биіктігі 3 метрге, ал жүгіру жылдамдығы секундына 4 метрге (шамамен сағатына 14 км) жетті.

Қытайлық технологиялық аналитик Патрик Чжан роботтар нақты жағдайда көп шектеулерге тап болатынын, алайда сахналық көрсетілімдер технологиялардың қазіргі жетілу деңгейін көрнекі түрде көрсететінін атап өтті.

Ван Синсин өндіріс саласының негізгі міндеті — гуманоид роботтарын нақты жағдайда енгізу болып қала беретінін айтты. Сол себепті Unitree автономды басқару жүйелерін құру үшін нақты интеллект саласында жұмыс істейтін командалармен ынтымақтастық орнатуда.

Зерттеу компаниясы Omdia мәліметінше, өткен жылы Unitree адамға ұқсас 5,5 мыңнан астам робот жеткізіп, Tesla, Figure AI және Agility Robotics сияқты АҚШ бәсекелестерінің жеткізілімдерін артта қалдырған. Инвесторлар Unitree-ді Қытайдағы гуманоидтық робототехника секторын дамытудың негізгі индикаторы ретінде қарастырып, жеткізу тізбегіндегі компанияларға қызығушылық артты.

Айта кетелік Қытайда роботтар гала-концерт өткізгені туралы жазған едік.