Қызылордада 70 ке жуық шабандоз ұлттық ат бәйгесінде бақ сынады

Дүбірлі додада еліміздің әр аймағынан келген 70-ке жуық шабандоз бақ сынады. 5 шақырымдық тай жарыс нәтижесінде І орынды Жамбыл облысынан Амангелді Нұрислам, ІІ орынды Қызылорда облысы Шиелі ауданынан Бейбарыс Төрехан, ІІІ орынды жамбылдық Санжар Әбіқадыр жеңіп алды. 11 шақырымдық құнан бәйгеде І орынды Қызылорда облысының Сырдария ауданынан Рамазан Абдуләшім, ІІ орынды шиелілік Рамазан Нұрлыбекұлы, ІІІ орынды осы облыстың Жалағаш ауданынан сынға түскен Рауан Нартайұлы иеленді.

15 шақырымдық тоқ бәйгеде І орын Жамбыл облысынан келген Таңат Нұрасылға, ІІ орын алматылық Болат Әбдікәрімге бұйырды. Үздік үштікті жаңақорғандық Сұлтан Төрехан түйіндеді. 25 шақырымдық аламан бәйгеде Ұлытау облысының өкілі Болат Әбдікәрімге тең келер ешкім болған жоқ. Одан кейінгі орындарды жамбылдық Нұрым Орынбасар мен оның жерлесі Нұржігіт Мақсат иеленді.

Жүлделі орын иелеріне ақшалай сертификаттар берілді.

Бұған дейін Қызылорда облысы Қазалы ауданының Ақтан батыр ауылында Ақтан батыр Ақайұлының 255 жылдық мерейтойы аясында республикалық ат бәйгесі өткен болатын.