Ресей, АҚШ және Украина арасындағы келіссөздер аумақтар бойынша келісімсіз аяқталды

4 ақпанда Абу-Дабиде соғысты аяқтауға арналған Ресей, АҚШ және Украина арасындағы үшжақты келіссөздердің бірінші күні аяқталды. Консультациялар жабық форматта өтуде және 5 ақпанда жалғасады, деп хабарлайды Arasha.kz. 

Дереккөздердің мәліметінше, талқылау жұмыс деңгейінде өткен, алайда тараптар арасындағы негізгі келіспеушіліктер сақталып отыр. Келіссөздердің басты тақырыбы аумақ мәселесі болды, деп жазды DW. 

Ресей делегациясын Бас штабтың Бас басқармасы бастығы адмирал Игорь Костюков басқарады, Украина делегациясын — Ұлттық қауіпсіздік және қорғаныс кеңесінің хатшысы Рустем Умеров. АҚШ тарапынан келіссөздерге президенттің арнайы өкілі Стив Уиткофф, Джаред Кушнер және АҚШ армиясының министрі Дэниел Дрисколл қатысуда.