Украина бойынша келіссөздер үшін Швейцария қарастырылып жатқан жоқ Ресей СІМ

АСТАНА, 15 тамыз - Sputnik. Ресей Сыртқы істер министрлігінің ресми өкілі Мария Захарова "РИА Новости" тілшісінің сұрағына жауап бере отырып, Швейцарияның бейтараптық мәртебесін жоғалтуына айланысты оның Украина бойынша келіссөздер өтетін орын ретінде қарастырылмайтынын мәлімдеді.

Оның айтуынша, Ресей сыртқы істер министрінің орынбасары Александр Грушконың Швейцарияның Украинадағы жағдайды реттеу жөніндегі келіссөздер алаңы ретінде қарастырылып отырған елдер қатарына кірмейтіні туралы мәлімдемесі швейцариялықтар үшін күтпеген әрі қатаң жаңалық болды.

"Оның неге енгізілмегені де түсінікті. Мәселе олардың бұл туралы естімегенінде емес — олар естіген болатын, — керісінше, біздің ниетіміздің байыпты екенін толық түсінбегенінде жатыр. Швейцарияның бейтараптықтан бас тартуы — Ресейге қарсы заңсыз санкцияларға қосылу туралы шешімі, толассыз мәлімдемелері — аталған елдің саясатын бейтарап деп қарастыруға мүлдем келмейді", — деді Захарова Екатеринбургте өткен брифингте.